Ginjaw Rung Pati Komiti Kata Hkamja Lam Hte Seng Ai Hkaw Tsun Hpawng Galaw

Ginjaw Rung Pati Komiti shamu shamawt masing hte hkamja lam hpaji jaw hkaw tsun hpaji jaw hpawng hpe July (25) ya (10:00)am aten kaw nna (1:00)pm aten du hkra Ginjaw Rung, Pati Komiti Rung hta galaw ai lam chye lu ai.

Ginjaw Hkamja Dap Ningtau Amu Madu Du Kaba, Lawam La Tawng hpaji jaw hkaw tsun ai hta anhte W.P amyu sha ni gaw hkamja lam nau n chye na ai masha law ai majaw mung, chye na ai ni mung hkan sa ai lam n nga ai majaw mung asak naw ram ai ni si woi mat wa ai lam law ai. Dai re majaw hkamja lam hte bung pre ai malu masha ni hpe chye lata sha ra ai, hkamja lam hte bung pre ai shinggyim nga sat nga sa lam hpe hkan shatup ra ai. Nanghpam lu sha ai hte tsa chyaru malut hkayawm ni hpe sadi sahka koi gam sa wa ra ai, shada tsawra matsan dum garum shingtau hkat chye ai, nga nna hkaw tsun hpaji jaw la ai.

Hpawng hta Ginjaw Rung Pati kata na magam gun ni marai (79) tup sa du madat hkaja la ai lam Ginjaw Rung, Pati Komiti ni shiga jaw la ai kawn na chye lu ai.

2 comments

Comments are closed.