Kachin Mungmasa Pati 3 kawn Ninghkap Ndau Laika Shapraw

Tsaban 21 Panglung zuphpawng hpaw hpang ai shani Hpu nau Lisu BawSang pati hte Samhkyeng (တိုင္းလိုင္) amyu sha pati ni Jinghpaw Mungdaw kata laksan ginra masat ya na matu hpyi shawn ai lam hpe (ကခ်င္နိုင္ငံေရးပါတီမ်ားညွိနိုင္းပူးေပါင္းေဆာင္ရြက္ေရးေကာ္မတီ) (KPCC) kaw nna tsep kawp ninghkap ai lam September 7 ya shani ndau laika shapraw dat ai hpe chye lu ai.

KPCC Komiti hta (ေလာ္ေ၀ၚအမ်ိဳးသားစည္းလံုးညီညြတ္ေရးနဲ.ဖြံ.ျဖိဳးေရပါတီ), (ကခ်င္ဖြံ.ျဖိဳးေရပါတီ), (ကခ်င္ျပည္နယ္ဖြံ.ျဖိဳးေရးပါတီ) ndai pati masum shanglawm ai pawng hpawm nga ai re hpe mung chye lu ai.

Potao, Machang Baw, SawLaw , HkawngLangHpu hte Chihpwi ndai ginra ni hpe Lisu Amyu Sha madu uphkang ginra masat jaw na matu hpyi wa ai Myitkyina, Moe Nyint, Manmaw lawm nna Ginwang 8 hpe Samhkyeng Mungdaw masat jaw na matu tang hpyi wa ai lam nga ai.

Lisu Bawsang ni gaw Munghpawm Myanmar Mungdan Gumsan Magam kaw nna 1955ning, October (7) ya shani ka shapraw ai laika hte maren Kachin Amyu hta lawm chyalu re, Kachin Mungdaw kata ndut ndang nga pra, galaw lu galaw sha, tsun shaga, nawku kamsham na ahkaw ahkang hpring tsup chyalu re, laksan lamu ga masat hpyi nra ai, Sam Amyu sha ni a matu mung, Munghpawm mungdan gawde ai shani Shan State masat lawm chyalu re, Kachin State kaw Shan State bai jat masat na lam nnga ai, Shan State kaw Kachin hte Shan rau nga pra ai zawn Kachin State hta mung Kachin hte Shan rau nga pra mai ai lam sha re, Tai hpyen ni a mung masa shachyai gayin ai hta kam shut ai lam gaw nbyin ging ai mabyin re nga nna mung shawa ni tsun garu nga ai hpe mung chye lu ai.

Tinang shanu ai Mungdaw mungdan kata shada myit garan wa mai ai baw, langai hte langai a lapran manghkang byin shangun mai ai baw lai akyang, tsun shaga lam ni hpe koi yan kau nna myit hkrum kahkyin gumdin n-gun shabawn ai maga de mahtang rau jawm sa wa ai gaw mai kaja dik rai na re nga nna myitsu salang ni tsun ai hpe mung chye lu ai.

1 comments

Thank You . Good morning.n,dai gabaw “Hpu Nau Lisu Bawsang pati hte SamHkyeng Pati ni laksan Ginra masat ya na matu hpyi shawn ai lam hpe Kachin Mung masa Pati 3 kaw nna ninghkap.” hte seng nna, nye a nomu tsun mayu ai gaw ,Virus shang wa ai re.India Mung a “North Eastern States” ni hta ya yang byin bin taw nga nna mung grai shuk taw ai re. Virus ndai gaw Mungdan hte amyu shada da myit nkhum shangunna matu galaw dat ai langai langai a nkaja ladat re ngu chyena ra .(dingbai dingla jamjou jaw ai ai hte shalau dat mayuna Ashuya/Masha langai langai kashup ai hpe mu mada ai. nkaja ai)

Comments are closed.